ကရင်ပြည်နယ်တာဝန်ရှိသူတစ်ဦးမှ ကရင်ဘာသာစကားနှင့်စာပေသင်ကြားမှုအား ကျောင်းများမှာ သင်ကြားခွင့်မရအောင် ဟန့် တားပိတ်ပင်မှုများပြုလုပ်ခဲ့ကြသော ကျောင်းအုပ်များအား ဝေဖန်ပြောဆိုလိုက်ပါသည်။
“ဒီနှစ်အတွက် ဖတ်စာအုပ်များ မထုတ်ရသေးပါဘူး။ ကျောင်းအုပ်အချို့ ဟာ ကျောင်းစာသင်ချိန်များထိခိုက်သွားမှာကို စိုးရိမ်တဲ့အတွက်ကြောင့် တိုင်းရင်းသားစာပေသင်ကြားခြင်းကို အလိုမရှိကြပါဘူး။ အချို့ ကျောင်းတွေမှာ ကရင်စာပေကို လေ့လာချင်ကြတဲ့ကျောင်းသားတွေရှိပေမဲ့ သူတို့ ကို သင်ဖို့ ဆရာတွေမရှိပါဘူး။ သင်ကြားနိုင်တဲ့ဆရာတွေက ကရင်မရှိတဲ့ရွာတွေကို ပြောင်းရွှေ့ ခံထားရပါတယ်” လို့  ကရင်ပြည်နယ်စာပေနှင့်ယဉ်ကျေးမှုကော်မတီဥက္ကဋ္ဌ စောအေးမြက ပြောဆိုသွားပါသည်။
”လူမျိုးပေါင်းစုံရှိတဲ့ကျောင်းတွေမှာ ကရင်စာသင်တဲ့ အချိန်ရဖို့ လက်တွေ့ မှာ အတော်လေးခက်ခဲပါတယ်၊ တချိန်တည်းမှာ မြို့ ပေါ်က မိဘတွေက သူတို့ ကလေးကို ကရင်စာဖတ်ဖို့ ၊ ကရင်လိုပြောဖို့ တိုက်တွန်းလေ့မရှိကြပါဘူး” လို့ စောအေးမြကဆက်ပြောပါတယ်။
ကရင်စာပေနှင့်ယဉ်ကျေးမှုကော်မတီမှ တာဝန်ရှိသူများ၏ပြောဆိုချက်အရ ကရင်စာကို သူငယ်တန်းအဆင့်မှသည် ဒုတိယတန်းအထိ သင်ကြားခွင့်ပြုပေးသော်လည်း မြို့ ပေါ်မှ ကျောင်းအတော်များများမှာဖြင့် သင်ကြားမှုမရှိသေးပါ။
“ပညာရေးဝန်ကြီးဌာနကနေပြီးတော့ (ကရင်စာပေ) သင်ကြားမှုကို မူလတန်းရဲ့ အောက်အဆင့်တွေမှာ တရားဝင်ခွင့်ပြုထားပါတယ်။ တကယ်လို့ သင်ကြားမယ့် ဆရာနဲ့ ကျောင်းရှိမယ်ဆိုရင် တတိယတန်းနဲ့  စတုတ္ထတန်းအထိသင်ကြားခွင့်ရှိပါတယ်။ မြို့ ပေါ်ကကျောင်းတွေမှာ လူမျိုးပေါင်းစုံရှိတဲ့အတွက်ကြောင့် တိုင်းရင်းသားစာပေများကို သင်ကြားခြင်းမရှိပါဘူး” ဟု ကရင်ပြည်နယ် ပညာရေးမှူး ဦးစိုးမြင့်က ပြောဆိုသွားပါတယ်။
ဆရာ၊မများပြောပြချက်အရ ကရင်စာသင်ကြားဖို့ အကြီးမားဆုံးအခက်အခဲအတားအဆီးမှာ အောင်ချက်ကောင်းဖို့ နှင့် အဓိကဘာသာရပ်တွေကို ဦးစားပေးသင်ကြားနေရခြင်းကြောင့်ဖြစ်သည်ဟုထောက်ပြပြောဆိုကြသည်။ စတုတ္ထတန်းနှင့်အဌမတန်းအစိုးရစာမေးပွဲတွေအတွက် ပြင်ဆင်ချိန်ပိုရဖို့  ဖွံ့ ဖြိုးရေးအချိန်တွေဖြစ်သည့် ကာယ၊ ဂီတနဲ့ တိုင်းရင်းသားစာပေတွေမှာ သင်ကြားမည့်အချိန်တွေကို လျှော့ချလိုက်သည့်အတွက်ကြောင့် ဖြစ်ပါသည်။
၂၀၁၃-၂၀၁၄ ပညာသင်နှစ်မှစပြီး မြန်မာနိုင်ငံတလွှားမှာ တိုင်းရင်းသားစာပေသင်ကြားမှုကို ခွင့်ပြုလိုက်ခြင်းဖြစ်ပါသည်။ ကရင်ပြည်နယ်အတွင့်အချို့ ကျောင်းတွေမှာ ကရင်အမျိုးသားအလံတော်ကို လွှင့်ထူခွင့်ရကြပြီး တနင်္ဂလာနေ့ နှင့်သောကြာနေ့ တွေမှာ ကရင်ရိုးရာဝတ်စုံကို ၀တ်ဆင်ခွင့်ရကြသည်ဟုဆိုကြပါသည်။
သတင်းရင်းမြစ်-ကရင်သတင်းစဉ်(Karen News)
